⭐همسات قلم⭐
كان القلم خايف ...
يكتب فراح ساكت....
لا يلوم ولا يعتب...
أصل الأصول غابت...
....
حبيت كتير م البشر...
ما شفت فيهم سند....
القرب منهم خطر...
والعبرة مش بالعدد...
.....
يوسف حداشر أخ...
كادوا ولا حنّو....
موسي ما ليه غير أخ...
ما غاب ف يوم عنه...
......
يا ما سمعنا قصص...
نهايتها بتشيب...
لا عرش دام أو حرس...
حاول تسيب طيب....
....
أصل الحياة لزوال...
مش دايمة لو طالت...
من حال تخدنا لحال...
مفيهاش ف يوم ثابت....
......
بس البشر مجانين...
بيحبو ضحكتها....
قّولّى دامت لمين؟....
ده الغدر سكّتها....
.....
ف الجنة كان أدم...
بس الشيطان ما سبوش...
خرج وكان نادم...
بردو الندم ما فدوش...
......
إرفع إيديك وإدعى...
خاب من قصد غيره....
من غير طلب يدّى...
يغنينا من خيره...
كلمات علاء محمود
ليست هناك تعليقات:
إرسال تعليق