" مغزل النظم "
حبكات حرفها حبكاتو...
وبمغزل النظم نسجاتو !
غزلات منو قوافي ومثول...
وبخيوط المعنى ربطاتو !
دارت منو بساط...
مشكل فرشاتو !
بالوان زاهية العين ...
اللي شافتو عشقاتو !
قالت بساطي هذا جعلتو...
للخليل فرشو وغطاتو!
عليه يتكا ويميل...
ونسمع ضحكاتو!
يفاجيو عالقليب العليل...
وينسيوه آهاتو!
يهونو عليه سهير الليل...
ويمسحو دمعاتو!
يضويو عليه كيف القنديل...
مزين حسكاتو!
ربي جاد بعد صبر طويل...
بنظرة من نظراتو!
وكلام حلو يشفي الغليل...
زاد زين صفاتو!
همة وشان عاقل ثقيل...
يوزن خطواتو!
ماشي بحال طيور الليل...
اللي فالزناقي يباتو!
يصوم ويقوم الليل ...
عارف دينو وشاد فصلاتو...
كامل مكمول مالو مثيل ...
سعدات اللي ولداتو!
وربي تكرم عليها الجليل ...
هي اللي فازت بيه وخذاتو.
نجية مجدوب .
ليست هناك تعليقات:
إرسال تعليق