مملكة الشعر والأدب

مَحْرُوسَهْ يَا بلَادِى

،،،،،،،،،،،،،،،،،،،،،،،،،،،

مَصْر يَا اغْلَى وَطَنْ

مَحْرُوسَهْ يَا بلَادِى

حُبِّكْ فى قلبى سَكَنْ

وزرعته فى ولادى

على ضِفَافْ النّْيلْ

فى الدِّلتا والْوادِى

شَيِّدتْ اعظم حَضَارَهْ 

بِتِحْكِى امجادي

لو غِبْت يُومْ اسْمَعِكْ

عَليَّ بتْنَادِى

أَبْعدْ وَأنَا فْ غُرْبِتِى

أنْدَمْ عَلَى بِعَادِي

زَرَعْتْ فِيكِ الأمَل

قَطَفُوهْ حُسّْادِي

إللى زَرَعْ فِيكِ الفِتَنْ

مَأجُورْ وارْهَابِى

خَايِنْ وخَانْ عَهْدِكْ

كَأنُه شِيئْ عَادِى

قَتَلْ صَفْوِةْ شَبَابِكْ

هو إللى كان بَادِى

نَدْلِ وْجَبَانْ مَاَجُورْ

وِجَنِّدُوه الاعادى

وَأنَا إللِى طُولْ الْلِيلْ

قَابِضْ عَلَى زِنَادِى

لَا يِهْوَى عِينِى النُومْ

بين الَمَى وسُهَادِي

دَمَّى دَفَعْـتـُه ثَمـَـن

عِـزَّكْ وانَا راضِى

اَنَا لِي عَنْدِكْ طَلَبْ

وَصِيتِى وِلاَدِى

وَصِيتِى لِلْأبَدْ كَانُوا

أَمَلِى وِمُرَادِى

إِيَاكْ تِخَافْ يَا وَلَدْ

أنْتَ فْ حِمَى الهَادِى

يَا وَلَدِى انتَ  الأمَلْ 

وأنَا خلاص مَاضِى

مُسَافِرْ انَا للسَّمَا

رَايِحْ عَلَى ميعادِي

مَصْر يَا اغْلَى وَطَنْ

مَحْرُوسَهْ يَا بلَادِى

لَكِ مِنَّى اَجْمَلْ سَلَامْ

يَا أرْض اجْدَادِى

،،،،،،،،،،،،،،،،،،،،،،،،،

كلماتى

مهندس/ حسن سعد السيد