احنا الصعايدة يا عم
احنا الرجولة والاحساس والدم ا
احنا التاريخ والأدب والفن
دحنا الحضارة يا عم
ف الشعر كتبنا وركزنا
وفي الفن واخدين مراكزنا
ف الأدب واخدين شهادات
وف التاريخ تحكي عنا حكايات
النيل بيجرى ف أراضينا
وفلاح بيزرع من اهالينا
والشمس طالعة في الصبح بدري
وفلاح طالع علي الغيط بيجري
فلاح وحامل علي كتفه فاسه
علشان يزرع أرض ناسه
على فين يا عمي على فين يا خويا
دي أرض جدي وأرض ابو يا
دي أرض العمار يا عم
فلاح بيزرع والخير لبلده
علشان يسعد ولدك وولده
والزرع حلوة نهارنا نادي
يا عم صبح وقول يا هادي
فلاح بيزرع ارض الجدود
والجندي واقف علي الحدود
والنيل بيروي والخير بيزيد
والقطر ماشي من مصر للصعيد
٠٠٠٠٠٠
الشاعر ملاك دميان شاعر الصعيد من مصر
٢٦شهر مايو ٢٠٢٠م
ليست هناك تعليقات:
إرسال تعليق