مملكة الشعر والأدب

عطر المحب

بثيابه عطر الورد شميته لمن فات..

هيبه وجمال وحسن،والسحر بالنظرات..

لمن عبرني وجزه كلش عليّ شح الهوا ..

گلبي ألنبض تيهه..وصدري أنترس حسرات..

حسيت كل جسمي أرتجف ورجليه مالاحت أرض..

خف عگلي مني بلا سبب،،روحي أخذها وفات..

عطر الزلف بيه انشتل..

ونظراتها التكتل كتل..

ظلت تدور بالي..تسال شلون احوالي..

يا حال روحي بغيبتك،،عاشت بنص شمات..

نگلة جدم مو على الأرض چن تمشي تسحگ ع الگلب..

ضحكت بصوت ومن جزت،، خضر ورد كل الدرب..

رديت أمشي وألتفت،، اوگف وأصفن،،وأبتسم بسمت محب..

ضحكة بطل خاض المعارك منتصر،،بسمت حرب ..

بكوثر الجنه وزينته صايغ جمالك يا محب ...

...

ابو جراح احمد 

2020/5/26