الحـكـايــة
شعر
الهام شحاتة سالم
***************
الحكايه مش حكايه قلب باع
الحكايه من البدايه ـ
تبقى فصل من الخداع
لما اه الهجر تسكن
جوه قلبى
يبقى ذنبى ان قلبى
حب قلبك
ليه عيونك ماشيه تجرح
ف اللى حبك يوم وصانك
هو نفس القلب هوه ـ
والعيون النرجسيه
اللى ياما وصفت فيها
أحلى قصه عاطفيه
مش هافكر تانى فيك
أنت بتبيع .. واشتريك
ليه افكر ف اللى خان حب قلبى -
وكان مدان
جى تسأل تانى عنى
تشترى منى الحنان
بعدى عنك فيه شفايا
من حنين هجر وخصام
لو ندمت فى يوم عليك
أ بقى ندمان ع الغرام
بس لازم يبقى تارى
أسقيهولك من مرارى
ولا اقولك قلبى سامحك
رغم أن مرارى جرحك
قلبى صافى ومش بيظلم
خدها منى الله يسامحك
******************
من ديوان
( مجروحة )
للشاعرة
الهام شحاته
***************
ليست هناك تعليقات:
إرسال تعليق