يا بياعين القلوب
رحتوا فين
ألا اونه ألا تريه
معانا قلب للبيع
معانا قلب لسه
ما مات
مين قال هات؟
قلب اتوجع من الآهات
مين قال هات؟
قلب دخل الإنعاش لكن
عمره ما عاش
فرحه تحييه
قلب كان كبير لكن
كتير اتلعب بيه
قلب حنين عمره ما بين جراحه
ولا قسوه الناس عليه
ها مين قال هات؟
قلب اتوجع من حب الجدع
وعمل البدع فتح الودع
علي شأن يسامح الجدع
لكن يا خساره هانت العشره
علي قلوب مقدرتش تنسى
باعت قلوبها للقسوه
وراح ال راح وخلص السماح
وطلع الصباح
وهنا أدركت شهر ذاد الصباح
ف سكتت عن الكلام المباح
وخلص المزاد
واكتشفنا في النهايه
ان قلبنا غالي وفي السما عالي
عمره ما ينباع في مزاد
ولا يسمح لحد يقولوا هات
ينكسر ينوجع لكن عمره
ما ينباع في مزاد
الا اونه ألا تريه
ماعندناش قلوب للبيع
بقلمي /منه حسام
ليست هناك تعليقات:
إرسال تعليق