في عنيا ليه مايله بتقع
وقلبي ليه ؟
رغم أنه حاسس بالحب
حاسس بالوجع ؟
ليه يا دنيا بحن ليكي
ونفسي مره تفرحيني
وإن حاولت انده عليكي
بتسبيني وتجرحيني
ليه يادنيا تهدي فينا
واحنا عايزين نبني فيكي
كل مرة بتبعينا
وإحنا عاشقين نور عنيكي
وإن حاولنا ننده عليكي
بتجافينا وتجرحينا
وإن عملت ف يوم ناسيكي
تيجي تاني تشغلينا
بأحلى ذكرى وحلم لينا
كل حاجه
في الدنيا ليه حالها انقلب
بنعيش حالات ونشوف حاجات
في الدنيا أعجب من العجب
روحنا تايهه في الحياه
في القلب صرخه و١٠٠الف آه
والحلم حتى جواتا تآه
وليه ده حالنا
ومين السبب ؟
كل حاجه
في عنيا ليه مايله بتقع
وقلبي ليه ؟
رغم أنه حاسس بالحب
حاسس بالوجع ؟
عادل علي
ليست هناك تعليقات:
إرسال تعليق