******* على دلعونا*******
من حلى عُيونِك حبيت العيشة
ولما قعدنا تحت العريشة
بقلبي من جوى ولعتي الشيشة
نكيف مع بعض ندبك دلعونا
**********
وقفت عقبالي صارت تتحدى
وتفاح الشامي يا اهل الله خدا
عَزمَت عليه تعال تغدى
كُبة بصينية مع معكرونا
**********
طَلَت عليه ونادت بإسمي
من صدى صوتها ارتعش جسمي
قالت يا اسمر إتبسم بسمي
قلتلها اهلك اسا يشوفونا
**********
بأول بلدكم لازرع ليموني
ان عطشَت اسقيها من دمع عيوني
بالله يا عالَم ليش تلوموني
الحلوة نستني الصلاة والصوما
**********
غنَت عالناي بدي حبيبي
ويا ربي دخلك جبلي نصيبي
يا شمس حبي ما بدي تغيبي
عَني وحبيبي أسمر اللونا
**********
بقلمي..ياسين مصطفى بكري.....
ليست هناك تعليقات:
إرسال تعليق