وعايش الدور
انا مش جاريه علشانك
ولا فقرة ف اخر السطر
نسيت دايما بأنك شطر
وواجهه لعصر متفاخر
بأن رجاله فوق الكل
وان الست رمز الذل
انا مش حلم وحذفته
ولا سلسال بقلب ازاز
انا قادره اكون اقوي
واسيب الدنيا علشانك
لو توفي لقلبي ف يوم
لكن لما تكون خاين
هسيبك والله ف مكانك
........
وهتبرع بيك واسيب ببلاش
لان البيعه ماتسواااش
انا مش جاريه علشانك
ولا لجرحك رباط من شاش
انا الإسلام قدرني وخلاني اميره
بس ياخساره ف زمن بكاش
.......
انا شيلتك وشيلت
الشيله عن روحك
ودويت انا جروحك
وما مليت
.....
شايفني والله ولا حاجه
دي وجهة نظرك المبتوره
وافكارك المأثوره
واحساسك وانانيتك
وعله ف اساس روحك
.....
وفاكر انك اساس ومتين
وانت من غيري بيت من طين
مشوفتش بيت بيقوي
ويعلا من غير اساس
وجدار
َوانا وانت بنينا البيت
في وسط النار
انا شريكة حياه ورجوع
انا صاحبة قرار مطبوع
ومكنتش ف يوم متبوع
وما بيفرق مابينا النوع
....
دي رب الكون بيجازي
ومقالش رجال بحساب
وحسابي يكون غيرهم
انا وانت جزاء الخير
هنا واحد
وغلط الغير يكون محسوب
علي واحد
فخد بالك حسابنا
يوم الدين حساب واحد
💕 💕 💕 عزه السيد💕 💕 💕
ليست هناك تعليقات:
إرسال تعليق