قالت لى يلا نعشق ونسهر
قالت لي صحى قلبك خليه يفكر
قالت لي يلا ده الحب شهده مكرر
قوم تعالى حبنا كل يوم هيكبر
مهما ندارى الحب فى عيونا بيظهر
♕♕♕♕♕♕♕
وكان قبلها القلب خالى
لا يعرف البكى ولا سهر الليالى
حبها واتغير بعده حالى
بقت هى دنيتى وهى آمالى
مااقدر فى يوم انساها ولا القلب يقدر
♕♕♕♕♕♕♕
قلت لها يلا حبيبتى كبر الغرام
بقلبى وزاد الوجد والالام
حبك ياروحي أكبر من مجرد كلام
علمتينى أحلم بعد مانسيت الاحلام
لكن الحلم ليه مش راضى يتفسر
♕♕♕♕♕♕♕
ضحكت وهى ماشية بتتمخطر
وقالت انت مين يامتحير
نسيتنى وقلبى عمره ما اتغير
عن هواها بيصبر ويتصبر
يمكن فى يوم ترجع تحب وتسهر
بقلمى / عادل فوزى
ليست هناك تعليقات:
إرسال تعليق