طل القمر
طل القمر نور ليالى الكون
من عشقها قلبى صبح مجنون
وتوهت انا مابين رموش وجفون
لو عمرى هان حبها عمره مابيهون
دى النظره منها تسعد فؤاد حيران
ضحكه شفايف تشعل ف قلبى نيران
بتزيل همومى ومعاها كامل الاحزان
ومعاها قلبى كطائر واقف على الاغصان
خايف عليكى من عيون الناس
ده انتى جمالك له ميزان حساس
واحلم بهمسك كانه رنين اجراس
حبك فى قلبى بالدهب يتقاس
وجهك ده ولا القمر دلينى ياصبيه
لما اشوف طلتك وانتى معديه
يرقص فؤادى طرب وسعاده ف عنيه
واخدك فى احضانى بشوق وحنيه
لو يوصفو لى الجمال انتى مثاليه
شعر احمد اسماعيل/ شاعر العرب
ليست هناك تعليقات:
إرسال تعليق