"عصافيرك في بساتينك"
ياواكله الحق طول عمرك
ومحافظه عالصف
فى صلاتك
وبتعملى الصح واكتر
منه وبزياده
فى صالاتك
يا مجمعه شلتك ياغداره
يامطفحانه الكوته
بمراره
اللقمه بمراره والهدمه بمراره
ياطايره في العلالي
فوق بطياره
وعصافيرك في بساتينك لحسابك
وانا واقف طول الوقت
على بابك
وضحتك بتتمرقع لأصحابك وانا
المتعوس لمرضى
نفوس أحبابك
يازراعه في وسط قمحنا شوك
وبتعاملينا كما الروم
في تبوك
بقلم الشاعر / رشاد علي محمود
ليست هناك تعليقات:
إرسال تعليق