طوياك الغربة
قعمزت امى ع الارض
تخط الفصا .....!!
بالطول والعرض
سرحت اماى...وقالت
ياواد انت
قليل البخت معاي
طوياك الغربه المره ...
بت الكلب .....
واخداك منى ياضناي
ولا مره تطل علاى
روح انا مسمحاك
بادعيلك كل صلاة فرض
وان زمزغت الدنيا معاك
متخافش منها
دنيا غروره مالها امان
وان راحت او جات
كلها احزان
المتحزم بيها غلبان
والمتغطى بيها عريان
هتيجى ياواد
وتزور امك روح الكمال
اباى عليك واد
من صغرك جلعان
تلاغى ده
وتضحك مع ديه
تصاحب ده
وتماشى ديه
لكن ليك شوق
زى الحمام لك غيه
وتحب القول والملاغيه
اه منك لما تحب
تبقي صبابه
وفرح قلبك
يبقى ربابه
ولما بتضحك
تلقي الفرح ع البوابه
تعالى ياواد اقولك
صح اللي سمعته عنك.؟
ياواد قولى..بين كلمتك
اه منك مدام سكت
واتكسفت ضحكتك
يبقي دق الهوي قلبك
شعلقت عينك ياواد
طب هاتها عندي
اخدها ف حضنى
لو دفتنى ياولدى
راح تتدفى انت كمان
اسأل امك روح الكمال
اوعاك تطويك الغربه تانى
وتروح يوم وتنسانى
وهتجيني ياواد
وتزورنى ف مكانى
ولا ح تترمي
ف الحضن الدافي
سامعني ياواد
يافليل البخت معاي
طوياك بت الكلب
واخداك منى ياضناى
اباى من الغربه اباى
حمدي البوقي
ليست هناك تعليقات:
إرسال تعليق