خواطر بعنوان :) ( فرحة تدق الباب )
بقلم الشاعر
محمد عباس
الاسماعيليه مصر
مافيش فرحة تدق الباب
ترجع لمة الاحباب
و عمر حلو عشنا شباب
وقصة كلها اعجاب
ياصابر على السكوت
والنوح
يافايت روح
مابعدك روح
وكام مرة
نقاء وجروح
ورحلة بين
صبايا وبوح
مابين كلمة وتغريدة
حياة بدات بتنهيدة
امانى وحب تعويدة
ورحلة عمر وعجيبة
طبعت شهادة بدموعى
وطيبة قلبى وخضوعى
وحلم الروح ملا ضلوعى
ونار پتهد فى شروعى
رضيت بالصبر مجدافى
طويت يآسي فى كراسى
عزمت الصمت وبقاسي
وعزة نفسي نبراسي
يا ١٠٠فرحة وعيد
وقصة حب فى المواعيد
واغلى امانى مشروعة
مابين عاشق ومعشوقة
حياتى ودنيتى غريبة
واى حاجة دى عيبة
ترد ع الكبير مرة
ده برضه للكبير هيبه
زمان والدنيا وخدانا
فى فرح ودنيا سيعانا
وقصة جميلة وشقانا
وكان الحق ده معانا
تركنا للتاريخ ذكرى
تعيش يومك
بلاش بكرة
بكرة ده لسه
بدرى بعيد
فى علم الغيب
ودى الفكرة
يارب الكون
وبدعى اكون
بكن فيكون
ثواب الصبر
رحمه ونور
بنات الحور
اكون مستور
ونور على نور
انا مشتاق
لنور ساطع
يدق الباب
انا مشتاق
دعاء ومجاب
ومن نفسي
وم الاحباب
انا مشتاق
لشفاعة المصطفى
العدنان
بصوت خاشع
وكل اذان
وصبح وليل
من الرحمن
يارب العتق
من النيران
وانا مشتاق
لقاء احباب
واهلى وناسي
واغلى جواب
بقلم الشاعر
محمد عباس
الاسماعيليه .مصر
ليست هناك تعليقات:
إرسال تعليق