نسيم الفجر
نسيم الفجر بيصبح
وفين ماتكون قلوب تطرح
وانا تائه فى هذا الكون
لاأنا باحزن ولا بافرح
جمالها طبيعى ربانى
يزلزل روحى وكيانى
ولو شفايفها تتبسم
بلحن جميل ومتقسم
وضحكتها أمل كداب
ونتقابل كما الاغراب
وانام واحلم اقابلها
وسهر الوحده كله عذاب
جمالك شئ بيبهرنى
ورمش العين بيسحرنى
وشعرك ع الخدود نازل
مع النسمه بيتغازل
حقيقى الحب أمره غريب
سهامه فى القلوب بتصيب
ومين يداويك ياعاشق
علاج يحتاج ل الف طبيب
يابنت الناس انا عاشقك
بأحساس الحبيب شايفك
ومهما تكونى عنى بعيد
ورغم السُهد والتنهيد
راح اصبر مهما طال الليل
ياريت تعطف بقى ياجميل
بكلمه حب لشفايفك
شعر أحمد اسماعيل / شاعر العرب
ليست هناك تعليقات:
إرسال تعليق