ما حاسب للعقول كفة
ما حاسب للعقول كفة ...توزن اقليلها وياسر
ولا نعرف ذيك حرفة ...عند الطبة والمخابر
تعرف بيها قلوب تجفا ...بعقول كبيرة تفكر
وزنة عقلي بعود قرفة ...قالو عني انت الخاسر
ما يسوى فالسوم جلفة ....وما يملااذاملا معابر
قالو ملي بقا الكرفة ...ما يصلح لا تزيد تهدر .
قالو عني خفيف حفة ...نسمة ومعاها تساير
وزنك وسط الدوم ضلفة....ريشة طرف جناح طاير
ولا وسط جيوب صرفة .. تدحيها بقشيش مخمر
نار بجوفي بدات تلفى ..طال القول عييت صابر
امشى عودي لطرف علفة ...وتعنقت ام المناخر
شكون يسالني حسيفة ...يخرج للميدان يحضر
يديها وحدة ظريفة ...يضحى من اهل المقابر .
لا تحقر عبد لا تكلفا ...كذا من مخلوق عامر
سلم تسلم يا العيفا ...لا تلقاها نار تزهر
قلب البدوي كمال واصفا ...من ناس الحرمة وشاعر
بكلامو لجبال تدفا .....وباخلاقو نجوم تسهر
اسمح لقندوز تكلفا ....وازلج قدام شيخ شاعر
جلول قيايدة
ليست هناك تعليقات:
إرسال تعليق