"عيد الأم"
سألني وإتطّلع فيِّ
شو بجبلك
يا إمّي هديّة🤔
محتار بين إتنين
مش أغلى منك عليِّ
قلبي ♥️والّا عينيِّ😍
الدمعة نزلت مش بالإيد
وصارت فرحة بقلبي تئيد
ومدري شو صار فيِّ😢
كان مبارح بعدو صغير
ونيمو حدّي علسرير 🛌
وإهكل همّ العيديّة
فجأة وبقدرة من الرب
صار إبني كبير وشب🧔
ويمكن قلبو دق وحب
وصار يبوّس إيديِّ
نعمة يلي عندو أولاد👨👩👧👧
وعيدو بيتحوّل أعياد
وقال حقّك عليِّ زاد
وتأوفيك ما فيِّ
عيدي إليوم مش للأم
لكل صابرة ووفيّة
لا تقولي أخ ولا أُف
كوني بضعفك قويّة
لمّا بكرا بينبت زهر
رح بروح منك القهر
مش مكتوب عليك دهر
خديها منّي وصيّة
وكل عيد وإنتِ إم
بتكفيكِ هالعطيّة.
فاطمة البلطجي
لبنان /صيدا
ليست هناك تعليقات:
إرسال تعليق