ضحكتنا ‏.. ‏الشاعر ‏المبدع ‏علاء ‏محمود ‏

.⭐ضحكتنا.⭐

ضحكتنا مش كاملة...

أصل إسمها دنيا.....

أوقات تكون ظالمة...

وتّرُد فى ثانية...

....

عايشين نسايسها.....

راضين بأوجعها...

لو تبكى نبّكلّها....

بتغنى نسمعها...

......

تصفّلنا نصّفلها....

ما فى أمان ليها....

كتير بنسألها....

وكتير نعادّيها...

....

لازم تنقّصّنا....

علشان منتغرش....

تدينا فوق راسّنا...

وتبُوسنا ما يضرّش...

.....

إياك تبص لحد....

الكل متساوى....

عندك نعم تتعد...

بس أنت مش واعى...

.....

يا مال يا عز يا جاه...

يا عيال وذرية...

يا يُسّر فى الاحوال...

يا صحة مش هيَّ....

.....

أصل الكمال فيها...

ممكن يكون فتنة...

 أيام نقضيها...

يانسِبها يا تسِبنا...

.....

ربك مقسمها...

ولكل شئ حكمة....

إرضا هتكسبها....

وكل شئ نعمة...

كلمات علاء محمود

.