ليه الأه ملزمانى....
وعارفة حدودى ومكانى....
قلت أبعد عشان أفرح....
لقيت الدمعة سبقانى...
غريب والدنيا ظلمانى...
وضاعت منى أوطانى..
لا إيد تتمد تنصفنى...
أنا المظلوم بقيت جانى....
قلوب الناس بقت غابة...
مليها العيب ومتّعابة...
قلت الدنيا فيها حب...
أتارى الدنيا كدابة....
لقيت فيها الضعيف بيضيع...
وناس محترفة ف التلميع...
ولو فتحت ببانها عليك...
تلاقى الكل يبقى مطيع..
أتارى الدنيا مش لينا...
وطعم الفرح ناسينا...
نادينا ومين هيسمعنا...
وضاع البحر والمينا....
كلماتى علاء محمود
ليست هناك تعليقات:
إرسال تعليق