** مسحراتي الوطن. ( الحلقة 16 )
مسحراتي مصحياتي
كلامي حصري
وبلهجة مصري
لكنه عربي ومن جوا ذاتي
إصحا وصحصح ..وافهم لغاتي
دا كلامي محشي بمكسراتي
إنتا ابن مين ياوطن؟
إنتا ابن مين..وقت المحن تسند عليه
إنتا ابن مين..ف العتمة رح تمسك إيديه
إنتا ابن مين..لو حد هانك ياوطن يمحيه
إنتا ابن مين..يجمع شتاتك ياوطن يبنيه
إنتا تعرف ابن مين
إبن الشقيانين تسند عليهم ف المحن
إبن ضي عين المجروحين منك زمن
إبن اللي خضر بعرقه أرضك بالألم
إبن اللي بدمه يوم رواك
مات فداك..وكفنه كان علم
إنتا الحلم اللي باقي وعمره ماضاع
تجمع شتاتنا ونبني اللي انهدم
إنتا أبونا وأمنا
نمسح دمعة عينيك وتضمنا..طول الزمن
إصحا يانايم .. إصحا يا غفلااان
إحنا انتصرنا لما اتحدنا وكنا اخوان
كان العلم واحد..صبح العلم ألوان
ألوان وأجناس .. لكن أصلنا واحد
والدمع لو يختلف..يبقى الوجع واحد
والأقصى واحد .. لكن من خانوه ألواان
أنا مسحراتي الوطن ..راجع لكم بكرا
شايل فانوس العروبة للعرب ذكرى
إصحا لكلامي ودايما ليلاتي
دا كلامي محشي بمكسراتي
مع حكاوي المسحراتي
بقلمي/ محمد الاشقر
كتاب مسحراتي الوطن (دار بردية للنشر)إيداع 2019/7584
ليست هناك تعليقات:
إرسال تعليق