القلوب الطيبه
قلوب عايشه بطبيعتها
على دمعه وضحكتها
تبدل حزنها افراح
ولابتتعب لأى جراح
كمثل الورده فى بستان
تعيش وتموت بكل امان
ولا يشعر بها انسان
كانها طيف مع دخان
قلوب فيها الحنان بيطُل
جمال ناصع كزهر الفُل
ومهما الدنيا تعاندها
اقل شىء بيسعدها
قلوب لكن فرحها قليل
لدقاتها الهوى بيميل
طريقها للفرح مسدود
واوقات فرحها معدود
ورغم الحزن وعذابها
بتفتح كل ابوابها
وتحضن كل احبابها
قلوب فيها حنان الطير
حنونه كتير وفيها الخير
وصابره رغم ماسيها
بتسعد من حواليها
يادنيا ليه بتأذينى
دموعى احرقت عينى
ياريت يادنيا تنسينى
اعيش عمرى مع سنينى
كفايه عذاب قتلتينى
شعر احمد اسماعيل / شاعر العرب
ليست هناك تعليقات:
إرسال تعليق