اه يازمن العجايب
بقلم هند الشيخ
اتعودى
انك متتعوديش
واسمعى منى
ومتفرطيش
واتعلمى لبكره
ولا تنسيش
واول درس ف حكايتنا
الكدب خيبه
وسكه مسدوده
مبتوديش
وأرضه صحرا
وغيومه كحله
مبتنديش
والكدب باين سحنته
متنخدعيش
ومهما يقولك بحبك
وانا امانك
متصدقيش
دا خيال مقاته
ف وسط الغيط
منظر ع الفاضى
ومبيحميش
وتانى درس
احنا ف زمن
اللى يخاف وميختشيش
زمن العجايب
واللى يطنش يعيش
والقلوب ف زمانا ده
ملهاش تمن
والمشاعر يادوب
بقشيش
والحب أصبح دلع
عديم اللون
وطعم مفيش
بالليل يقولك بحبك
والصبح معطلكيش
ويعيش حياتو عادى
وكأنو ما يعرفكيش
اه يازمن العجايب
كل حاجه بالريموت
نحب بالريموت
ننسى بالريموت
مهو اصل وجع القلوب
بيعدى سكوت
والروح مهما تتألم
انينها اخرس
وملهوش صوت
والحب مخنوق ف سكاته
والصمت زى الموت
ليست هناك تعليقات:
إرسال تعليق