محمومه بيك
بقلم هند الشيخ
مش عارفه ليه
بينى وبين الزمن تار
ما عاملنى ف يوم بحنيه
كأنى قتلتله بنيه
ولا اخد منى بتار
ولا دفعتله ديه
والفرح تملى مستعجل
لا راضى يعدى عليه ف ليل
ولا ف نهار راضى يقيل
طب اعمل ايه
غلب حمارى
وتعبت ف الهوى رجليه
عماله احايله وادادى فيه
وغلبت كيف افهمه
وكيف اعرف أراضيه
لا راضى يمشى على هواى
ولا عارف فى السفر مراسيه
يااااااااااااه محمومه انا
من طول السفر
وطول الليل
يغمزلى القمر بعنيه
المح حبيبى بين رموشه
يشتد عودى واتنصب
واتحامى فيه
ويعودلى عمرى اللى فقدته
وانا بين ايديه
وانسى همومى والوجع
واتعافى بيه
يفردلى دراعاته
اطير انا وأجرى عليه
معرفش ده وجع السفر
ولا انا محمومه بيه
ليست هناك تعليقات:
إرسال تعليق