اتحملت ياقلبي كتير
قولي ازاي قادر تعيش
فعلا حاله ملهاش تفسير
ظلم وألم غيرها مفيش
نفسك يوم يحصل تغيير
مهما صبرت ماتلاقيش
لجل مراكب الهم تسير
عمرك كله عدى بلاش
وانت ماشي فى الدنيا أسير
لو كنت ظالم حناش
يمكن كان فى اعادة تدوير
قلت الدنيا ماديماش
دايما تعمل كل الخير
زهقت من أي نقاش
حتى الرد مالوش تبرير
لو حبسوك فى رباط من شاش
جوه اليأس كأنك طير
تزعل تغضب وماتنساش
ان انت عقلك كبير
وتقول ياللا اديها طناش
ساعتها تحس ان انت حقير
رحت جيت انت ماتسواش
ترابه مرت على شوفونير
لو كنت ياقلبي خرباش
كنت تحس بالتعبير
لو كنت ياقلبي هباش
تاكل كل حقوق الغير
كنت هتبقى ياواش ياواش
تحية لكل مليونير
كام عربية فى الجراش
والكل يقول عليك أمير
عمل الخير فى الناس ماطمرش
عيشها زي ماانت وخليك فير
لو هتنام على حبة قش
وتاكل جبنه وجرجير
اتحمل ياقلبي وطنش
واوعى تغير خط السير
(((أسامه جديانه)))
ليست هناك تعليقات:
إرسال تعليق