أصرخ
* * * * *
أصرخ وأنا بيا الصراخ ماسكتش
أبكى ودمعى فى العيون مانشفش
من العالم من الأيام
من الصدق إللى صار أوهام
أهين منك وآه يا زمان
أهاتى فى الضلوع أصرخ
أصرخ
على الطفل إللى سال دمه
وهو فى حضن أبوه ضمه
رصاص الغدر مارحمهوش
وصوت الأب صارخ يصرخ
أصرخ
على الطفل إللى كان لسه
عيونه مافتحوش لسه
بأيد الغدر والخسه
مات وأمه عليه تصرخ
أصرخ
على الشعب إللى ضاع حقه
فى أرضه ومش طايل حقه
وصوت الحق بينادى
وقال أرضه ومن حقه
يرجع أرضه وبلاده
أرض أبوه واجداده
ويزرع فيها ويعمر
لأولاده وأحفاده
يا أمم الإسلام قوموا
صحوا الضمير بقى من نومه
أطفال تحارب بحجاره
فى حرب دايره ودواره
وأمهات من الخوف تصرخ
أصرخ
* * * * * *
أصرخ
كلمات الشاعر
إبراهيم محمد
ليست هناك تعليقات:
إرسال تعليق