الي غائبي
يا غايبه عني وعايشه جوايا
ياريتك ياغاليه سامعاني
ياحته من قلبي ساكنه جوايا واستكترتها الدنيا عليا
اشكي لمين همي وانا
من بعدك فى الدنيابعاني
وبقيت تايه وقلت الاقي ونيس في الدنيا لحين لقانا
لقيت الحزن طايلني والهم راكبني
غريب في دنيا ضاع فيها الحب والامان
محتاج لحضنك ولعنيكي ترعانى
ياريتك ياغاليه سامعاني
فى كل لحظه من عمري بتمر
بكتبلك بدموع عنيا واناديلك ياروح الروح
وعمري مانسيتك ياضي العين
و في كل صلاه بترحم
على روحك وبدعيلك
عايش يتيم من غيرك
بقول الاه
ولا يعلم بحالي غير الله
ولو بإيديه يا حبيبتي
اسيب الدنيا واجيلك
تبقي الفرحه مش سايعاني
بقيت تايه
فى وسط اللمه ومحدش داري بيا
محتاج لعنيكي ترعاني
وياريتك ياغاليه سامعاني
فراقك مر والدنيا من غيرك صعبه
ماتت الفرحه في قلوبنا وراحت البسمه من شفايفنا
جريت ع الفرح لما الحزن غطاني
بموت والله وانتي بعيده
وبتموت كل فرحه
ولا بعدك هياجي الفرح
ولا السعد طايلني
واقولك ايه وحشتيني
ياضي العين
بقيت تايه وسط اللمه من غيرك
غريب في دنيتي اللي طال الليل فيها
اناجي الليل وصورتك في خيالي مامفارقاني
واتمنيت من الله اللقا بيك
ولكن وعد ومكتوب اعيش الحزن والاسي
واهي ايام وبتعدي واللقا حتما مكتوب
الي الراحله زوجتي
بقلمي/رشدي مصطفي الأسواني
ليست هناك تعليقات:
إرسال تعليق