بصيت من شباك حياتى
على نفسى
لقيت عليه قضبان
حبسنى الزمان
ورا اربع حيطان
طوبه الم
وطوبه احزان
طوبه حنين
وطوبه هجران
وكل ما اعطش
اشرب من دموعى
وكل مااجوع
اكل من ضلوعى
اصرخ بعلو صوتى
يقول لى السجان
اصرخ كمان
انت اللى جبتنى
انت اللى امرتنى
اسجنك ورا
اربع حيطان
وقلت لى كمان
اسجن معايا
ايام زمان
تسلينى
تواسينى
تحكى لى الذكريات
وقلت لى هات لى
قلمى وكام سطر كمان
اكتب حكايتى
من وراء القضبان
كلمات/ نبيل المصرى
ليست هناك تعليقات:
إرسال تعليق