اكتم حنينك ياقلب عالسهرة اللي عملناها
دبكة وغنية ورقصة من عشية سهرناها
بهالضيعة العشنا فيها صغار كبار
شقد بحن وبتذكر من هالضيعة الحلوة كتير
بتذكر الحيطان وتراب السطح والشير
والعرقة والبدود والساموك والنير
والمصطبة والعريشة فوقها والعصافير
والجرن والمعرجلينة وشوطاتها بكير
شقد اشتقت وبحن للشيطنة واللعب عضو القمر
وكل ايام الطفولة ونهاياتها والمصير
ماضي رحل ما عاد يرجع يا حبيب
وما بقي منو غير ذكرى وحنين
وذكريات الرفاق ايام الولدني
قديش كنا نلعب بهالميات
وقديش كنا نراهن بهالقيمات
وقديش كنا شباب وصبايا
نروح ونجي بهالطرقات
نضحك ونمرح ونتبادل الغمزات
شو بقي من هالحكي ياصاح
غير البكي والأمل والكلمات
مخباية بصندوق العجائب والذكريات
جرجس لفلوف سورية
ليست هناك تعليقات:
إرسال تعليق