الفرقة صعبة
بس اللقا بعد الغياب
صدقني أصعب
امشي وسيبني
بلاش اشوفني
على نفسي ب أصعب
جاي تفكرني
ب الماضي اللي مات
ده الذكريات
كنت نسيتها
بينا حكايات
وانت نهيتها
فاكر ف يومها
كام دمعه بكيتها
زرعت وردة
ب ايديك جنيتها
ومن غبائك
ب ايديك رميتها
جاي دلوقتي تشتكي
وتقول حبيتها
يااخي يخربيتها
يخرب بيتها اللي تحبك
وتدوب ف هواك
طب كنت قولي
قبل الفراق
ازاى ح انساك
واخنق ب ايدي
نسيم هواك
ده انت سايب
جوه مني 100 علامة
يالا امشي
الف 100 مليون سلامه
ده لولا الملامة
كنت اجيبك ف الميدان
وتاخد نصيبك
من كل واحدة
جرحها سهمك
عاشت ف كدبك
ونامت ف وهمك
انا مش ح أجاملك
انا فيك خسارة
والبعد عنك
ده احلى مكسب
كلماتى_شاعرة_الانين
منى
ليست هناك تعليقات:
إرسال تعليق